Laerskool van Riebeeckpark Boodskap van die Beheerliggaam

CHRISTO

 

Boodskap van die Beheerliggaam

 

Welkom by Laerskool Van Riebeeckpark. Dit is voorwaar ʼn voorreg om deel van ʼn skool te wees wat die gemeenskap op ʼn warm, vriendelike en ondersteunende wyse dien. Dit is belangrik vir die Beheerliggaam om die skool se fasiliteite voortdurend te ontwikkel en ʼn positiewe atmosfeer te skep, en sodoende die beste opvoeding en geluk van elke leerder te verseker.

 

By die Riebies is dit ‘n top prioriteit om elke kind tot sy/haar volle potensiaal te ontwikkel. Met goed-gekwalifiseerde Opvoeders, ʼn bevoegde Bestuurspan en ʼn kundige Beheerliggaam het ons skool al die bestanddele om dié visie suksesvol te bewerkstellig op ʼn doelgerigte, gedissiplineerde wyse.

 

Die skool is geseën met betrokke en positiewe ouers, en opvoeders wat hoë kwaliteit onderwys in die klaskamer lewer, en dan is hulle ook nog bekwame sport- en kultuur afrigters. Die leerders presteer jaar na jaar op akademiese, sport en kulturele gebied as gevolg van die gesamentlike toewyding.

 

Die Riebies beskik oor fasiliteite wat bitter min ander laerskole in Suid Afrika het en ek glo ons is die enigste laerskool in ons distrik wat kan spog met interaktiewe borde in elke klas van Graad R tot Graad 7, sluitkaste vir al die Intersenfase leerders (Gr4. – Gr.7), asook fantastiese sport fasiliteite.

 

Die skool se tema vir 2019 is “Ek wil, Ek kan, Ek sal”... Sukses is nie ‘n eenmalige gebeurtenis nie. Dit word behaal deur konstante daaglikse klein oorwinnings, wat oor die jare versamel tot dit ‘n sneeubal van sukses vorm. Glo in jouself, vertrou in jou vermoë en formuleer ‘n plan wat jou tot jou doelwit sal lei. Voer daagliks die aksies, soos wat jy dit in jou plan vasgepen het, uit en jy sal met tyd jou doel behaal.

 

Baie dankie aan elke ouer wat hul kosbare tyd aan hulle kinders en aan die Riebies verleen, getrou hulle skoolfonds betaal en konstruktiewe positiewe insette lewer. Sonder ʼn ouer-gemeenskap wat investeer en belê in hulle kinders se opvoeding, sou die skool nie op dié hoogtes kon vlieg nie.

 

Die Beheerliggaam portefeuljes is as volg:

Mnr. Vivian Botha                                                                Skoolhoof

Mnr. Christo Strydom                                                          Voorsitter

Mnr. James Woo                                                                 Onder-voorsitter & Personeel

Mnr. Riaan Van Staden                                                       Regs en Admin

Mnr. Aldo van der Walt                                                        Bemarking

Mnr. Ettiene Rossouw                                                         Finansies

Mnr. Albert Janse Van Vuuren                                            Strategie

Mev. Thora du Plessis                                                        Akademie: Grondslagfase

Mnr. Hendrik van Staden                                                    Akademie: Intersenfase

Mev. Ansa Mulder                                                               Kultuur

Me. Elsabé van Niekerk                                                      IT

Mnr. Marinus van der Westhuizen                                      Sport & Infrastruktuur

 

 

CHRISTO STRYDOM

VOORSITTER: BEHEERLIGGAAM